INSTITUTE OF

მოსამზადებელ კურსებზე დარეგისტრირების ინსტრუქცია

პბი გთავაზობთ სალექციო-მოსამზადებელ კურსს ბაფის პროფესიული სერტიფიცირების გამოცდებისთვის:

* * * * *

სემესტრული სალექციო-მოსამზადებელი კურსი:

1. გაზაფხულის სემესტრი - თებერვალი-მაისი

2. შემოდგომის სემესტრი - სექტემბერი-დეკემბერი

* * * * *

**სემესტრულ სალექციო კურსზე რეგისტრაციის უახლესი პერიოდი:

2025 წლის გაზაფხულის სემესტრისთვის ლექციებზე დარეგისტრირება დაიწყება 2025 წლის 1 თებერვლიდან (13:00 საათიდან) (სალექციო განრიგები დაიდება აქვე ლექციებში ქვემოთ).

ლექციები დაიწყება 2025 წლის 13 თებერვლიდან (ლექციებზე რეგისტრაციის შესაძლებლობა პროგრამულად შეწყდება ლექციების დაწყებამდე ორი დღით ადრე).

სალექციო კურსებზე დარეგისტრირებამდე, მსურველები უნდა ჩაერთონ (დარეგისტრირდნენ) ბაფის პროფესიული სერტიფიცირების პროგრამაში. პროგრამაში ჩართვის ინსტრუქცია იხილეთ ბაფის საიტზე (იხ. ბაფის საიტზე: პროფესიული სერტიფიცირების პროგრამაში ჩართვის მსურველთა საყურადღებოდ!).

**ლექციები ტარდება აუდიტორიაში.

ლექციებზე ხდება ელექტრონული რეგისტრაცია, ამიტომ მსმენელს უნდა ჰქონდეს საკუთარი რეგისტრაციის ნომერი (აიდი) და პაროლი, რითაც შევა საკუთარ გვერდზე ინსტიტუტის მონაცემთა ბაზაში და დარეგისტრირდება ჯგუფში. ბაზაში შესასვლელი ლინქი იხილეთ ინსტიტუტის საიტზე - მსმენელების ბაზა.

**ლექციებზე რეგისტრაციისას ასატვირთი დოკუმენტები

ლექციებზე რეგისტრაციისას მსმენელს უკვე უნდა ჰქონდეს ლექციის საფასურის გადახდის ქვითარი და ატვირთოს საკუთარ გვერდზე:

1. ლექციის საფასური - 600 ლარი (ინსტიტუტის საბანკო ანგარიშზე);

2. განცხადების ასლი (თუ გაქვთ ლექციებთან დაკავშირებული რაიმე განცხადება დაწერილი);

**ლექციებზე რეგისტრაციის გავლის საფეხურები (ღილაკები):

1. ჯგუფში რეგისტრაცია

2. ახალ ჯგუფში რეგისტრაციის მოთხოვნის დამატება

3. სკოლა-პროგრამის ველში ირჩევთ ეტაპს

4. ჯგუფის ველში ირჩევთ სასურველ ჯგუფს

5. გაეცანით და დაეთანხმეთ აღნიშნულ წესებს

6. გადახდის ქვითრის ატვირთვა

7. მოთხოვნის დამახსოვრება/დასრულება

სტატუსის ველში  უნდა შეამოწმოთ მიიღეთ თუ არა დასტური რეგისტრაციაზე. 

**რა  შემთხვევაში ხდება ლექციებზე რეგისტრაციის დაბლოკვა

არასრული თანხის გადახდის ანდა არასწორ ანგარიშზე თანხის გადახდის შემთხვევაში მსმენელი რეგისტრაციას ვერ დაასრულებს (რეგისტრაციაზე დასტურს ვერ მიიღებს). ამის შესახებ ინფორმაციის წაკითხვა მას შეუძლია კომენტარის ველში, რომელიც გამოჩნდება სტატუსზე მაუსის დაჭერის შემდეგ, და სადაც ზუსტად იქნება მითითებული დაბლოკვის მიზეზი. მხოლოდ მიზეზის აღმოფხვრის შემდეგ ინსტიტუტის ადმინისტრაციის მიერ მოხდება დასტურის გაცემა  მსმენელის მოთხოვნაზე.

**ლექციებზე განმეორებითი დასწრება 

ლექციებზე განმეორებით დასწრება ხდება განცხადების საფუძველზე (განმეორებით დასწრების განაცხადის ფორმა უნდა გამოითხოვოთ ჩვენს ელ ფოსტაზე (nlagidze@yahoo.com). იხ. პბი-ს საკონტაქტოში) და ლექციის საფასური ამ შემთხვევაში იქნება 360 ლარი. 

**ჯგუფების არჩევა

რეგისტრაციისას გამოჩნდება მხოლოდ იმ ჯგუფების მონაცემები, სადაც არის ადგილები. ჯგუფში საჭირო რაოდენობის მსმენელების დარეგისტრირების შემდეგ ჯგუფი დაიხურება. ჯგუფში რეგისტრაციამდე, გადაამოწმეთ ბაფის გამოცდების თანხვედრა, რომელიც მოცემულია ბაფის საიტზე.

**ლექციების დაწყებამდე

ლექციების დაწყებამდე მსმენელები უნდა დაუკავშირდნენ ლექტორს საკონტაქტო მეილზე, რომელიც გამოქვეყნებულია ჩვენს საიტზე, და მიაწოდონ თავიანთი საკონტაქტო ინფორმაცია, ასევე მოითხოვონ სალექციო განრიგი.

ლექტორის საკონტაქო მეილები და შემდგარი ჯგუფების შესახებ ინფორმაცია დაიდება ჩვენს ფბ (პბი) გვერდზე, რათა შეეხმიანოთ ლექტორს და მიაწოდოთ თქვენი საკონტაქტო მეილი და მობილურის ნომერი.

ლექტორთან შეტყობინების გაგზავნისას, აუცილებლად გაითვალისწინეთ, რომ საგნის ველში მიუთითოთ თქვენი ჯგუფის ზუსტი და კონკრეტული დასახელება, ასევე თქვენი სახელი და გვარი, სხვა შემთხვევაში თქვენი მეილი ლექტორის მიერ უპასუხოდ დარჩება. 

**ლექციების დაწყება

ჩვენს ფბ (პბი) გვერდზე სალექციო კურსის დაწყებამდე დაიდება ინფორმაცია, თუ რომელი ჯგუფები შედგა და რომელი ჯგუფები არ შედგა.

შემდგარ ჯგუფებთან ასევე მითითებული იქნება აუდიტორიის ნომრები და ლექტორების საკონტაქტო მეილები.

**აკადემიური შვებულება

ჯგუფში დარეგისტრირებულ მსმენელს აკადემიური შვებულების გაფორმება შეუძლია მხოლოდ სემესტრის დაწყების პირველივე თვეში  (ანუ, თებერვალში ან სექტემბერში). მეორე თვიდან უკვე აღარ ფორმდება აკადემიური შვებულება.

აკადმიური შვებულების გასაფორმებლად უნდა დაგვიკავშირდეთ ჩვენს საკონტაქტო მეილზე (nlagidze@yahoo.com) და დაწეროთ განცხადება. განცხადების საფუძველზე თქვენ მოგეცემათ საშუალება მიმდინარე სემესტრში სწავლა შეაჩეროთ, და გააგრძელოთ მომდევნო სემესტრიდან.

აკადემიური შვებულებიდან დაბრუნებისას კვლავ საჭიროა განცხადების დაწერა. 

**წიგნების აბრევიატურა

**

ბტ - ბიზნესი და ტექნოლოგია

მა - მმართველობითი აღრიცხვა

ფა - ფინანსური აღრიცხვა

ქბს - ქართული ბიზნეს სამართალი

სშმ - საქმიანობის შედეგების მართვა

სდ - საგადასახადო დაბეგვრა

ფან - ფინანსური ანგარიშგება

ამმ  - აუდიტი და მარწმუნებელი მომსახურება

ფმ - ფინანსური მართვა

სბლ - სტრატეგიული ბიზნეს ლიდერი

სსა - საწარმოს სტრატეგიული ანგარიშგება 

უფმ - უმაღლესი ფინანსური მართვა

უამმ - უმაღლესი აუდიტი და მარწმუნებელი მომსახურება

**

ლექციები ჩატარდება აუდიტორიაში, მისამართზე: დ. ბაქრაძის ქ. 6ა

სამუშაო დღეებში ლექციები დაიწყება სტანდარტულად 18:10 სთ-ზე.

გთხოვთ, გაითვალისწინოთ, რომ ლექციები ხშირად კვირაში ორჯერაც ჩატარდება. ამიტომაა მითითებული თითოეული ჯგუფის ლექციის დღეებში ორი სალექციო დღე (პირველი არის ძირითადი სალექციო დღე, მეორე არის დამატებითი).

**

2024 წლის შემოდგომის სემესტრის ლექციების განრიგი: