INSTITUTE OF

ინფორმაცია შუალედური ტესტირების და სემესტრული გამოცდის გაუქმებისა და მსმენელების თვითშეფასების დანერგვის შესახებ

ინფორმაცია პროფესიონალ ბუღალტერთა ინსტიტუტის შუალედური ტესტირების და სემესტრული გამოცდის გაუქმებისა და მსმენელების თვითშეფასების დანერგვის შესახებ

ინსტიტუტის დირექტორის 2020 წლის 19 მაისის #04 ბრძანების თანახმად:

• მსმენელის პროფესიონალი ბუღალტრის საკვალიფიკაციო გამოცდისთვის მზადყოფნის შეფასების ინსტრუმენტად შემოღებულ იქნება მსმენელის თვითშეფასება;

• მსმენელის თვითშეფასების უზრუნველყოფის მიზნით ყოველ მოდულში მომზადდება ბაფის საგამოცდო ტესტების მსგავსი სემესტრული თვითშეფასების ტესტი;

• სასერთიფიკაციო პროგრამით გათვალისწინებული თემების ამოწურვის შემდეგ, ტესტები ელექტრონული საშუალებით  დაეგზავნება მსმენელებს; 

• მსმენელმა, საკუთარი ცოდნის შეფასების მიზნით, უნდა შეასრულოს ტესტური დავალება იმ დროში, რაც გამოყოფილი იქნებოდა გამოცდისთვის;

• მსმენელებისთვის ტესტების დაგზავნიდან 3-5 დღეში (ამ დროისთვის მსმენელებს თან უნდა ჰქონდეთ თავიანთი ამოხსნილი საგამოცდო ნამუშევრები) ლექტორი მსმენელებთან განიხილავს გამოცდის ტესტს, აუხსნის მათ, როგორ უნდა ეპასუხათ საგამოცდო კითხვებზე და გაუგზავნის ტესტების პასუხებს;

• ინსტიტუტის სერთიფიკატი გაიცემა მხოლოდ იმ მსმენელზე, რომელიც სასწავლო პროცესში მონაწილეობდა ყველა მოდულში;

• სასწავლო პროცესში ჩართულობასთან ერთად, სერთიფიკატის გაცემის საფუძველად გამოყენებული იქნება მსმენელის მიერ ბაფის პროფესიული სერტიფიცირების გამოცდაზე მიღებული დადებითი შეფასება;

• სერთიფიკატის გაცემის წესი თანაბრად გავრცელდეს ყველა მსმენელზე, ამ ბრძანების თარიღამდე სტუდენტის (მსმენელის) სტატუსის მატარებელი მსმენელების ჩათვლით.

*** იმ მსმენელებმა, რომლებმაც სრულად გაიარეს პბი-ს სალექციო კურსი ყველა მოდულში და, ასევე, სრულად აქვთ ჩაბარებული ამ მოდულების (13 მოდული) გამოცდები, თავად უნდა მოგვმართონ (პბი-ს ადმინისტრაციას), რომ დაასრულეს აღნიშნული პროგრამით გათვალისწინებული კურსი, და, მხოლოდ ამის შემდეგ, მათთვის დამზადდება პბი-ს სერთიფიკატი.

ინსტიტუტის ადმინისტრაცია

================================