GE EN

2350157 (515); 579 219 373

nlagidze@yahoo.com

წერეთლის გამზირი 61

თბილისი
მთავარი / ლექციები

მოსამზადებელ კურსებზე დარეგისტრირების ინსტრუქცია

პბი გთავაზობთ ორი სახის მოსამზადებლ კურსს ბაფის პროფესიული სერტიფიცირების გამოცდებისთვის:

1. სემესტრული მოსამზადებელი კურსი (თეორიული და პრაქტიკული მეცადინეობის სრული კურსი)

2. 2-კვირიანი პრაქტიკული ტრენინგები (პრაქტიკული მეცადინეობის მოკლე კურსი)


===========================================================================


სემესტრულ მოსამზადებელ კურსზე რეგისტრაციის პერიოდი:

2022 წლის გაზაფხულის სემესტრისთვის ლექციებზე დარეგისტრირება დაიწყება 2022 წლის 1 თებერვლიდან (12:00 საათიდან).

ლექციები დაიწყება 2022 წლის 10 თებერვლიდან (ლექციებზე რეგისტრაციის შესაძლებლობა პროგრამულად შეწყდება ლექციების დაწყებამდე ორი დღით ადრე).

ლექციები ჩატარდება ონლაინ (დისტანციურ) რეჟიმში.

ლექციებზე ხდება ელექტრონული რეგისტრაცია, ამიტომ მსმენელს უნდა ჰქონდეს საკუთარი რეგისტრაციის ნომერი და პაროლი, რითაც შევა საკუთარ გვერდზე ინსტიტუტის მონაცემთა ბაზაში და დარეგისტრირდება ჯგუფში. ბაზაში შესასვლელი ლინქი იხილეთ ინსტიტუტის საიტზე.


ლექციებზე რეგისტრაციისთვის ასატვირთი დოკუმენტები

ლექციებზე დარეგისტრირებამდე მსმენელს უკვე უნდა ჰქონდეს გადახდის ქვითრები დასკანერებული და რეგისტრაციისას ატვირთოს ეს დოკუმენტები:

სავალდებულო გადასახადები:

1. ლექციის საფასური - 400 ლარი (ინსტიტუტის საბანკო ანგარიშზე);

2. განცხადების ასლი (თუ გაქვთ ლექციებთან დაკავშირებული რაიმე განცხადება დაწერილი);


რა შემთხვევაში ხდება რეგისტრაციის დაბლოკვა

არასრული გადახდის ანდა არასწორი გადახდის შემთხვევაში მსმენელი რეგისტრაციას ვერ დაასრულებს (რეგისტრაციაზე დასტურს ვერ მიიღებს). ამის შესახებ ინფორმაციის წაკითხვა მას შეუძლია კომენტარის ველში, რომელიც გამოჩნდება სტატუსზე მაუსის დაჭერის შემდეგ, და სადაც ზუსტად იქნება მითითებული დაბლოკვის მიზეზი. მხოლოდ მიზეზის აღმოფხვრის შემდეგ ინსტიტუტის ადმინისტრაციის მიერ მოხდება დასტურის გაცემა  მსმენელის მოთხოვნაზე.


განმეორებითი დასწრება ლექციებზე

განმეორებით ლექციებზე დასწრება ხდება განცხადების საფუძველზე (განმეორებით დასწრების განაცხადის ფორმა უნდა გამოითხოვოთ ჩვენს ელ ფოსტაზე) და ლექციის საფასური ამ შემთხვევაში არის 200 ლარი. 


ჯგუფების არჩევა

რეგისტრაციისას გამოჩნდება მხოლოდ იმ ჯგუფების მონაცემები, სადაც არის საშუალება, რომ მსმენელი ჩაეწეროს. ჯგუფში საჭირო რაოდენობის მსმენელების დარეგისტრირების შემდეგ ჯგუფი დაიხურება. ჯგუფში რეგისტრაციამდე, გადაამოწმეთ ბაფის გამოცდების თანხვედრა, რომელიც მოცემულია ბაფის საიტზე (იხილეთ აქ).


(ჯგუფის ნიმუში: ფა/1, ფა/2 . . . .  სადაც „ფა“ არის მოდულის დასახელება (ამ შემთხვევაში „ფინანსური აღრიცხვა“) და დახრილი ხაზის შემდგომ (/) მოცემული ციფრი მიუთითებს ჯგუფის ნომერს).


ჯგუფის დასახელებაში გამოყენებული მოდულების აბრევიატურები:


I ეტაპი

ბუღალტერი ბიზნესში ბბ

მმართველობითი აღრიცხვა მა

ფინანსური აღრიცხვა ფა


II ეტაპი

ქართული ბიზნეს სამართალი ქბს

საქმიანობის შედეგების მართვა სშმ

საგადასახადო დაბეგვრა სდ

ფინანსური ანგარიშგება ფან

აუდიტი და მარწმუნებელი მომსახურება ამმ

ფინანსური მართვა ფმ


III ეტაპი

სტრატეგიული ბიზნეს ლიდერი სბლ 

საწარმოს სტრატეგიული ანგარიშგება სსა 

ფინანსური მართვა უფმ 

აუდიტი და მარწმუნებელი მომსახურება უამმ 


გთხოვთ, გაითვალისწინოთ, რომ ჯგუფში ადგილების რაოდენობა შეიძლება იმაზე ნაკლები იყოს, ვიდრე ჩანს რეგისტრაციისას (ადგილების რაოდენობა - ნიშნავს დარჩენილ ადგილებს ჯგუფში). ამის მიზეზია ის, რომ მოთხოვნის გამოგზავნისას ადგილების რაოდენობა არ იცვლება, სანამ მსმენელი დასტურს არ მიიღებს.


რეგისტრაციის ვადის დასრულებამდე მსმენელს აქვს საშუალება შეცვალოს ჯგუფი (ლექციების დაწყების შემდგომ ჯგუფების შეცვლა აღარ მოხდება). მაგრამ, მხოლოდ იმ შემთხვევაში, თუ მოთხოვნაზე დასტური აქვს მიღებული. ამისათვის მსმენელი უნდა შევიდეს სტატუსის ღილაკიდან (მწვანე V) და ჯგუფის ველში აირჩიოს სხვა, მისთვის სასურველი, ჯგუფი. შემდგომ დააჭიროს ცვლილების შენახვას (აუცილებლად გადაამოწმეთ შემდგომ გრაფიკში).


თუ მსმენელის მოთხოვნა უარყოფილია (დაბლოკილია), მაშინ მსმენელმა სხვა ჯგუფის ასარჩევად, ჯერ წინა არჩეული ვერსია უნდა წაშალოს (ღილაკით X), და შემდგომ თავიდან გააკეთოს დარეგისტირება სხვა არსებულ ჯგუფებში.


შესაძლებელია, ჯგუფი გაუქმდეს; ამის მიზეზი შეიძლება იყოს: არასაკმარისი მსმენელების რაოდენობა ჯგუფში. ამ შემთხვევაში, მსმენელები გადანაწილდებიან სხვა ჯგუფებში. ეს ინფორმაცია დაიდება ჩვენს საიტზე ლექციების დაწყებისას.


ჯგუფში რეგისტრაციისათვის საჭირო ღილაკები

მონაცემთა ბაზაში მსმენელმა საკუთარ გვერდზე უნდა ნახოს შემდეგი ღილაკები:

1. = ჯგუფში რეგისტრაცია =

2. = ახალ ჯგუფში რეგისტრაციის მოთხოვნის დამატება =

3. = ეტაპის არჩევა =

4. = ჯგუფის არჩევა =

5. = გადახდის ქვითრების ატვირთვა =

6. = მოთხოვნის დასრულება =


რეგისტრაციის დადასტურება

ადმინისტრატორი გადაამოწმებს (მაქსიმუმ 24 საათის განმავლობაში (სამუშაო დღეებში)) თქვენს გადახდებს და, თუ ყველაფერი სწორია, თქვენს მოთხოვნას დაადასტურებს. ამის შემოწმება ხდება სტატუსთან (V) მაუსის მიტანისას, სადაც გამოჩნდება შეტყობინების ფანჯარა: = დადასტურებულია =.


თუ არ არის სწორი, მაშინ მოთხოვნა არ დადასტურდება და შეგიძლიათ მიზეზს გაეცნოთ მესიჯის ველში (გამოჩნდება მაუსის დაჭერის შემდგომ სტატუსის ქვემოთ მოთავსებულ ფიგურაზე Ø) და გამოასწოროთ.


გამოსწორების და დასტურის შემთხვევაში მსმენელს არჩეული ჯგუფი დაუფიქსირდება თავის გვერდზე: გრაფიკში და შეფასებაში.


ლექციების გრაფიკი

ჯგუფში უკვე დარეგისტრირებულ მსმენელებს ლექტორი უგზავნის ელექტრონულად ლექციების გრაფიკს.


ლექცია ტარდება კვირაში ერთხელ  ან ორჯერ, ლექცია გრძელდება 2 სთ 40 წუთი.


ლექციაზე დარეგისტრირების შემდგომ, თუ რაიმე მიზეზის გამო გსურთ ლექციის შეყვეტა და აკადემიური შვებულების აღება, ეს უნდა გააკეთოთ პირველი თვის ბოლომდე.


ანუ, თებერვლიდან ვინც იწყებს ლექციებს, აკადემიური შვებულების განცხადება უნდა დაწეროს არაუგვიანეს 28-29 თებერვლისა.


სექტემბრიდან ვინც იწყებს ლექციებს, აკადემიური შვებულების განცხადება უნდა დაწეროს არაუგვიანეს 30 სექტემბრისა.



იმ შემთხვევაში, როდესაც მსმენელი რაიმე მიზეზის გამო ვერ ახერხებს ლექციებზე დარეგისტირებას, მან უნდა მიმართოს ადმინისტრაციას, და ელფოსტაზე გადახდის ქვითრების გამოგზავნის შემდგომ, მოხდება მისი ჩასმა ჯგუფში (სადაც საშუალება იქნება). თუმცა, ეს არ უნდა ეწინააღმდეგებოდეს ინსტიტუტის შინაგანაწესს.


* * * * * * * * * * * * * * * * * * * * * * * * * * * * * * * * * * * * * * * * * * * * * * * * *

2021 წლის შემოდგომის ლექციების განრიგი (დისტანციური):


მოდული მოდული ჯგუფის # ლექტორი ძირითადი დღე დამატებითი დღე საათი
F1 ბბ ჯგ.1 რამაზი დაკანოსიძე ორშაბათი ხუთშაბათი 18:10
F2 მა ჯგ.1 ია გიაშვილი სამშაბათი ხუთშაბათი 18:10
F2 მა ჯგ.2 ნინო ბოლოკაძე პარასკევი სამშაბათი 18:10
F3 ფა ჯგ.1 ლია გოგსაძე სამშაბათი ხუთშაბათი 18:10


F4 ქბს ჯგ.1 ანა ხარაიშვილი სამშაბათი _ 18:10

F5 სშმ ჯგ.1 ია გიაშვილი შაბათი ოთხშაბათი 11:10
F6 სდ ჯგ.1 დავით პაპიაშვილი ორშაბათი შაბათი 18:10
F6 სდ ჯგ.2 გრიგოლ ნოზაძე ხუთშაბათი სამშაბათი 18:10
F7 ფან ჯგ.1 ლია გოგსაძე პარასკევი ორშაბათი 18:10
F7 ფან ჯგ.2 ნანო სამყურაშვილი სამშაბათი კვირა 18:10
F8 ამმ ჯგ.1 თამუნა ცუხიშვილი ხუთშაბათი ორშაბათი 18:10
F9 ფმ ჯგ.1 ნინო ბოლოკაძე შაბათი ოთხშაბათი 11:00
სბლ სბლ ჯგ.1 არსენა თევდორაშვილი ოთხშაბათი კვირა 18:10
P2 სსა ჯგ.1 მაკა კაკაბაძე პარასკევი ოთხშაბათი 18:10
P4 უფმ ჯგ.1 ია გიაშვილი პარასკევი ოთხშაბათი 18:10
P7 უამმ ჯგ.1 თამუნა ცუხიშვილი სამშაბათი პარასკევი 18:10



==============================================================


2-კვირიანი პრაქტიკული ტრენინგები


2-კვირიანი პრაქტიკული ტრენინგები ტარდება უშუალოდ ბაფის პროფესიული სერტიფიცირების გამოცდებამდე 2 კვირით ადრე.

ბაფის პროფესიული სერტიფიცირების გამოცდები ტარდება წელიწადში 2-ჯერ: იანვარში და ივლისში.

ტრენინგების საფასურია 160 ლარი.


პრაქტიკულ ტრენინგებზე დარეგისტრირების მსურველი აუცილებლად უკვე უნდა ფლობდეს თეორიულ ცოდნას, რადგან პრაქტიკულ კურსზე მხოლოდ პრაქტიკული მეცადინეობა ხდება.

პრაქტიკულ ტრენინგებზე ხდება ელექტრონული რეგისტრაცია, ამიტომ მსმენელს უნდა ჰქონდეს საკუთარი რეგისტრაციის ნომერი და პაროლი, რითაც შევა საკუთარ გვერდზე პბი-ს მონაცემთა ბაზაში და დარეგისტრირდება ჯგუფში. ბაზაში შესასვლელი ლინქი იხილეთ ინსტიტუტის საიტზე - მსმენელების ბაზა.


უახლოეს პრაქტიკულ ტრენინგებზე რეგისტრაცია დაიწყება 2021 წლის დეკემბრის თვეში. ზუსტი თარიღი გამოქვეყნდება ჩვენს საიტზე და ფეისბუქ გვერდზე.



1